المساعد الشخصي الرقمي

مشاهدة النسخة كاملة : رجاء صفط دبابتك على بوابة المنتدى وادخل

المشهر2006
2007-06-16, 01:26 PM
قصة حقيقية صاحبها منوم في مستشفى المجمعة *-)

دخلنا عليه وكان كل جسمه ورجليه مجبسه

وما تسمع الا ( اه و اوه ) واي ومادري وشو

ماغير يون من الاوجاع اللي فيه

عاد انا قلت يمكن انه مسوي حادث قوي

او انه محترق او او او ... الخ

المهم جت الساعه 4 العصر وبدا وقت الزياره

انا استغربت من شي غريييييييب مررررره

كل من جاء يزور هالشخص يطلع من عنده ميت من الضحك

انا جاني الفضول وقلت وش السالفه

وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه

انتهى وقت الزياره . وانقز له على طول

واتشافا له واقوله الحمد لله على السلامه

عسى ماشر ومن هالكلام .. وانا كل همي اعرف ليش يضحكون :

المهم قلت له: انا اشوف اللي يجونك ما يرحون من عندك الا و ضحكهم واصل اخر المستشفى ..

قال لي : هههههههههه ليـش عاد أنت حاسدنا على الضحكه ..

قلت له : لا يـا أخوي مب جي السالفه والله لو عندك مليون كان يمكن أحسدك! ..

بس اضحكوا عادي خذوا راحتكم بس بغيت اعرف السر يعني ..

اذا ما عندك مانع ..

قال لي : طيـب ولا يهمك .. انت مثل ما تشوفني مكسر ومربط بالشاش ..

قلت له : ايوالله .. الله يشفيك ...

قال لي : يا طويل العمر انا ساكن في شقه في الدور الثاني

وعندي بلكونه مامن زيـنها ... واذا نمت فتحت باب البلكونه ... وطفيت النور .... وتسدحت على السرير ..

ويوم نمت على السرير .... وغصت في اعماق اعماق نومي ... حلمت اني في يوم القيامه

وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!!

المهم الجماعه ينادون بالاسامي .. فلان بن فلان باص النار ... فلان بن فلان باص الجنه .. وهكذا

فلان بن فلان ...هه هذا اسمي .. وقلبي يـدق و يـدق... رووح باص الجنه .... اووووه الحمد لله ارتحت

ومشيـت ادور على الباص اللي مكتوب عليه الى الجنه ... وحصلته وركبت فيه ...

مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا )

وهذا وحنا مع اللوحات .... والله ونتعدى الجنه ... قلت يمكن السواق يـعرف مكان لباب ثاني ..

شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا رجال وش السالفه ..

المشكله الناس ساكتيـن وما حد قلق في الباص الا انا .. قلت بدخل عالسواق وشفته معطيني ظهره ..

إيـه إإإيـه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..

قلت له : ويـش انا من اهل الجنه .. وليـش توديني النار يا وجه النحس !!! ....

والتفت لي طلع هو ابليس نفسه !!! ..

وقلت : الله يلعنك .. انا من اهل الجنه .. يا ملعون لا توديني النار .. انا من اهل الجنه ..

والله العظيم اني من اهل الجنه .... تو من شوي قايلين اسمي ... وقف يا ملعون .. وقف ..

وهذا انا أصارخ... وهو بانواع الضحكات الشريره نيهاهاهاهاهاي .... نيهاهاهاهاهاهاهاهاي ..

قلت له يا ملعون وقف !!! أبي انزل !!! ...

قال : والله الباص هذا مبرمج على انه ما يوقف الا في النار .... تبي تنزل أقفز منه

وركضت على الباب وفتحته ... وهووووووووووووووب طمرت وانا في الحلم ..

ولا وعيت الا في المستشفى ... قافز من البلكونه ... في الحوش !!!!

:
:

.. القصة صحيحه ..

وحصلت لواحد كان منوم في مستشفى المجمعه العام








ياليت كل واحد بعد هالقصه يعطينا مايستفاد من القصه :d
الدباب
2007-06-16, 02:46 PM
وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه



مايستفاد من القصة :

ان اهل المجمعة ملاقيف خخخخخخخخخخخخخخخخخخخخخخخخخخخ


وبرضو انهم يحتكون باللبنانيين ... اجل بلكونة :d

بس ولو شكل ذاللي قايل السالفة دافته حرمته ومستحي يقول قام رقعها بهالفلم smaill37
.:"سكرووب":.
2007-06-16, 06:03 PM
هــع ونااسه
ليته يقرب لي كان واللـه ما يلسلم من الفشييله :d
ما يستفاد:
إنك قبل لا تركب مـع واحد تشووف خشته
وإنك تصك باب البلكونه
<قد فتح الدريشه وما قام إلا وهو ممتلي مويه من المطر :d
D7D7
2007-06-16, 06:13 PM
ههههههههههههههههههههههههههههههههههههههه وش هتنسييييم من جده ذا هههههههههههههه والله اهبل والله اجل من النوع الي يمشوون وهم نايميين هههههه اااه ياقلبي بس تدري عاد طلعنا شي من هالسالفه ان المجمعاويه ملاقييف خخخخ اجل يدخل عند واحد بالمستشفي ومكسر يقوله وش قصتك هههههه


ينطيك العافيه يابعدي على هالسالفه
HaMoOoOd
2007-06-16, 06:50 PM
خخخخخخخخ اجل طب من البلكونة ...

الا على فكرة المجمعة اين تقع جغرافيا من خريطة المملكة ؟؟

ومايستفاد من القصة ,,,, قبل لا تنام سكر كل الفتحات وتلحف وسم بالله ونام ....
بيتارا
2007-06-16, 09:24 PM
^^^^^^^^^^^
المجمعة بين الرياض والقصيم

____________________________

هههههههههههههههه هههههههههههههههه هههههههههههههههه هههههههههههههههه هههههههههههههههه << يضحك بزر واحد خخخخخخخخخخ

والله وسعت صدري الله يوسع صدرك بالعافية اجل باص الجنة ههههههههههههه
تسنه بين عيوني متعلق بالباص تقل باصات مطار جدة

الا تحرونه لو انه ماطب وش يصير له انا اتوقع بيقوم ويغير الصروال ويتروش :d
TH3LB
2007-06-17, 01:41 AM
هههههههههههههههه
بلبل عمان
2007-06-17, 04:28 AM
مايستفاد من القصة :

ان اهل المجمعة ملاقيف خخخخخخخخخخخخخخخخخخخخخخخخخخخ


وبرضو انهم يحتكون باللبنانيين ... اجل بلكونة :d

بس ولو شكل ذاللي قايل السالفة دافته حرمته ومستحي يقول قام رقعها بهالفلم smaill37

ههههههههههههههه
احس اللي بلون الاحمر الاقرب للصواب :)
رائد
2007-06-17, 10:05 AM
امممممممممممممممممممممممممممممم


انت الان يا المشهر وش تبي يوم انك تروح مستشفى المجمعه العام .............. *-) 1

وللمعلومية اسمه مشتسفى الملك خالد ......................... smaill37 2

يعني السالفة يبي لها اعادة نظر

وبما اني من اهل المجمعه smailes23 فراح اتحرى عن هالسالفة

وبعدين انتم يللي تتشفون فينا ملاقيف وما ادري ايش مسوين عاقلين هاه

ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

يعطيك العافيه يا المشهر وارويك اجل تخلي اللي ما يشتري يتفرج
Raul
2007-06-17, 10:10 AM
المشهر لازم يسأل فيها واحد من المشايخ اللي يفسرون الاحلام
حلمه فيه ريح ..







مايستفاد من القصة :

ان اهل المجمعة ملاقيف خخخخخخخخخخخخخخخخخخخخخخخخخخخ


وبرضو انهم يحتكون باللبنانيين ... اجل بلكونة :d

بس ولو شكل ذاللي قايل السالفة دافته حرمته ومستحي يقول قام رقعها بهالفلم smaill37


الدباب كلن على همه سرى خخخخـ
كم مره دفتك ام العبدي خخخخـ
المشهر2006
2007-06-17, 12:21 PM
المشهر لازم يسأل فيها واحد من المشايخ اللي يفسرون الاحلام
حلمه فيه ريح ..






الدباب كلن على همه سرى خخخخـ
كم مره دفتك ام العبدي خخخخـ

دام في حلمه ريح اجل نقض وضوءه :d
ســعــد
2007-06-17, 07:45 PM
الدباب كلن على همه سرى خخخخـ
كم مره دفتك ام العبدي خخخخـ


ابو العبدي ينام في مخزن عشان مافيه لا درايش ولا بلكونات :d
بلو ايز
2007-06-17, 09:13 PM
اثر اهل المجمعه واجدين هنا الله يحي كل اهل المجمعه وش رياكم نسوي تحالف بلحالنا و نسحب على تحالفات الإقلاع هههههههههههههههه

و بعدين يا المشهر متأكد إنها في المجمعه و انت اللي واقف عليها لأني شايفها في كذا منتدى قبل


تحياتي

بلو ايز
black ranger
2007-06-20, 02:21 PM
^^^^^^^^^^^^^^^^^^^^^
البكونه اللي طاح منها قريبه من المعهد الصحي
مقابل للبلديه
الله يشفيه ما كمل الدراسة

يا حليل اهل المجمعه الساعه 9 نيام 9 و45 مقفله المطاعم 10 و5 دقايق مقفله اشاراات التقاطع يعني حظر تجول
SOUL R1PPER
2007-06-20, 09:21 PM
88888888888888
هههههههههههههههههههه
----------------
ما شاء الله الكل هنا من المجمعه
___________
ما ابي اقول انهم ملاقيف :)
الي يستفاد من هالقصه:
1----اقفل الدرايش والبلكونات والابواب
2----واربط حزاام الامان
3----وعدم التجول اثناء النوم
4---ولا يزعل زوجته قبل لا يناام ههههههههههه

وشكرا الله يفك عنك الزهق مثل ما فكيت عني
SOUL R1PPER
2007-06-20, 09:25 PM
امممممممممممممممممممممممممممممم


انت الان يا المشهر وش تبي يوم انك تروح مستشفى المجمعه العام .............. *-) 1

وللمعلومية اسمه مشتسفى الملك خالد ......................... smaill37 2

يعني السالفة يبي لها اعادة نظر

وبما اني من اهل المجمعه smailes23 فراح اتحرى عن هالسالفة

وبعدين انتم يللي تتشفون فينا ملاقيف وما ادري ايش مسوين عاقلين هاه

ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

يعطيك العافيه يا المشهر وارويك اجل تخلي اللي ما يشتري يتفرج

يا شيخ لا تفظحه
خله المسكين
هههههههههههههههههه
الا تخرب عليه
الجني الأحمر
2007-06-21, 08:57 AM
ههههههههههههههههههههههههههههههههههههههه

أقول المشـهر انت متأكد انه واحد هاللي طاب من البلكونه مهوب انت ؟؟ :)

وبالنسبـه لـ مستشفى المجمعـه العام اول مره اسمع بـه .. اللي اخبرهـ مستشفى الملك خالد ..

وبالنسبه للقافه هذا اسمه حب استطلاع مهوب لقافه < رقع بس

وبالنسبه لي فـ انا من اهل المجمعه ولي الفخر

وبـس :)
~F-B-I~
2007-06-21, 12:27 PM
ههههههههههههه

مو ناقص غير يبكي تكفا نزلني ككككككك

مشكوور على الموضوع
راعي الطويله
2007-06-21, 06:11 PM
هههههههههههههههه
هههههههههههه
ههههههههههه
ههههههههه
ههههه
ههه


الله يضحك سنك .. بغيت اموت من الضحك .. تذكرت موقف صارلي زمان

الله يعطيك العافيه يا مشهر .. من زمان ما ضحكنا :d
مناحي روبنسون
2007-06-22, 05:03 PM
الحكمة من القصه ، لاعاد تكتب مواضيع :d

شكرا
ابوعيون جريئه
2007-06-23, 03:49 AM
ههههههههههههههههه
الله يرجه
بلو ايز
2007-06-24, 12:47 AM
^^^^^^^^^^^^^^^^^^^^^
البكونه اللي طاح منها قريبه من المعهد الصحي
مقابل للبلديه
الله يشفيه ما كمل الدراسة

يا حليل اهل المجمعه الساعه 9 نيام 9 و45 مقفله المطاعم 10 و5 دقايق مقفله اشاراات التقاطع يعني حظر تجول


اقول بلاك شكلك قديم عن المجمعه وين 9 الناس نيام مر جلسات الشباب اللي جنب المهني و اللي على طريق حرمه

غير كذا وش البلديه اللي قبالها معهد صحي البلديه القديمه قبالها مواقف و الجديده قبالها حديقه الشلال

ابغى توضيح سريع <<< مهب ملقوف :d


تحاتي

بلو ايز
black ranger
2007-06-24, 01:38 AM
تصدق نسيت انهم نقلوه
بعدين الجلسات اللي جنب المهني
ما كان يجلس فيها بس طلاب المعهد وانتم نيام
من جد مدينة مهجورة

الا سمعت ان سوق الحمام قفل

يا حرام
بلو ايز
2007-06-25, 06:10 PM
بالله كم لك عن المجمعه

اي ما يجلس فيه إلا طلاب المعهد اصلاً المعهد يقفل في الليل وش يجيب الطلاب يجلسون فيه لو انك قايل بالنهار يمكن ما يجلس فيه إلا هم بس بالليل لا الشباب يتواعدون و يجلسون هناك مره و شف


تحياتي

بلو ايز
شبيه الريــح
2007-08-05, 04:44 AM
وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!!

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه لايكون في رصيف ولا محطه باصات ههههههههههههههههههههههههههههههههههههه
coup_de_grace
2007-08-05, 04:56 AM
نيييييياههههههههههههههههههاي


مايستفاد من القصة :

ان اهل المجمعة ملاقيف خخخخخخخخخخخخخخخخخخخخخخخخخخخ


هذي مو درس من القصة إلا قل زبدة الحتسي وانتهينا. :d

يسلم تممك ابن عمي
رفيع الشان
2007-08-08, 06:01 PM
هههههههههههههههههههههههههههههههههههههه
LoST
2007-08-15, 04:53 AM
هههههههههههههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههه
ههههههههههههههههههههههههههه
ههههههههههههههههههه
ههههههههههه
ههههه
ههه
هه
ه