الدباب
2007-09-24, 05:37 AM
سالفة الناس كانت كلها عن اليوم الوطني ، كل من قابلك جاب لك طاريه بأي شكل ، حتى ان فيه ناس قعدوا يقولون " غريبة لابس شماغ اليوم ... ولا عشان اليوم الوطني "
والمشكلة اني لو جيت بدون شماغ زي العادة بيقولون : وشلون تجي بدون شماغ وحنا في ا ليوم الوطني
ياخي الحمدلله ان عندنا رمز وطني بهالشكل .. تخيل ان ماعندك شي يبين للناس انك انسان وطني :d
و مع حب الوطن الفرحة اللي حسوها الناس يوم قيل لهم ان اليوم هو اليوم الوطني .. هذا برضو شي مايقدرون يعبرون عنه بالكلام فتلقا الواحد يقابلك ويقول لك " ياخي ترانا في اليوم الوطني انا فرحان مرة " ويبتسم لك فترد عليه وانت تشاركة نخب هذه الجملة بابتسامة " والله انك صادق حتى انا فرحان " فيقول لك مباغتا بحس وطني عالي الجودة " انا افرح منك لاتتحداني " وتبدأ انت واياه في تقليد اساليب البزران ضاحكين كحمامتين بيضاوتين خلفهما علم أخضر cry:
ومن خلال الرادو ، والتلفزيون والجرايد تبين ان الفرحة اللي في وسائل الاعلام شي ثاني ... التلفزيون بقنواته والجرايد بصفحاتها والاذاعة بموجاتها كلها اقبلت تهتف من بعيد وهي تبكي من الفرح وتتعانق مع مشاعر الجمهور اللي كان يبكي وامتلأت الدنيا بدموع الفرح والوطنية القوية .. اقوى وطنية في العالم .. واقوى اي شي
حتى واحد متصل على برنامج يقول " كلنا فرحة بهذا الانجاز الرهيب " قالها في برنامج اذاعي وطني اللي يقدمونه ناس وطنيين بقوة ، والمتصلين كل واحد يبي يثبت انه وطني اكثر من الثانين او على الاقل " مفيش حد احسن من حد " ... عشان كذا هذا المواطن الوطني العظيم قال انه فرحان مرة اليوم " بهذا الانجاز الرهيب " ( شكله يسمع بالانجاز )
فعلا والله انجاز ... وكل اللي يتصلون يقدمون تهانيهم للملك وولي العهد وأمير الرياض ووزير الداخلية وأميرا لرياضة والشباب ونائب أمير الرياضة والشباب وأمير منطقة مكة المكرمة وأمير منطقة الشرقية وأمير منطقة حايل ومنطقة القصيم ومنطقة الحدود الشمالية ومنطقة تبوك ... بقى أحد ؟ ايه صح .. وأحلى تهنئة لأحلى شعب ... قسم بالله انكم أحلى شعب
@@@@@@
وفي المساء ...
احتفلنا مع المحتفلين
يحتفل البعض بالجلوس في استراحة ولا ملحق ولا على رصيف او طعس يشربون المشروبات الوطنية وياكلون ويتناجون في رومنسية حول مسيرة الوطن خلال سبع وسبعين عاما
وحتى اللي مايتعشون اول الليل ، تلقاهم جالسين طول الليل عندهم مشروباتهم وعندهم صحون فيها خيار وجزر وجبن وممكن تلقا قطع نقانق او مرتديلا او سلمون ( وكلووه وطني في وطني ) ... وياكلون حبة حبة طول سهرتهم بمنتهى السعادة وممكن يتعشون في اخر الصبح .. طبعا هالكلام في غير رمضان ، وفيه ناس حتى في رمضان
وتلقاهم جالسين عند التلفزيون او الرادو ويضحكون بقوة من كثر الفرحة باليوم الوطني ويتحمس الكثير انهم يسوون مداخلة بالتلفون عشان يطلع اللي في قلبه مع هالمذيعين والمتصلين الاخرين اللي قاعدين يطلعون اللي في قلوبهم من وطنية
تطالع تلفزيونك الوطني بكل مافيك من وطنية ... اجل اذا انت يالوطني تركت تلفزيونك الوطني من بيقعد يطالعه بالله ؟
واحيانا يكون من المفيد انك تطالع تلفزيونات اخرى
تشوف الاخبار ومناظر القتل والقصف والمشاكل في اوطان ثانية
وهنا تحمد ربك وتعرف انك في نعمة لما تشوف الاخرين في هالحالة ماهم قادرين يفرحون بيومهم الوطني cry:
ترجع التلفزيون الوطني تلقا مذيعتين من المذيعات الوطنيات صح ، وقد اطللن بملابسهن الخضراء باسقات كنخلتين وطنيتين
وأيضا من فوائد الاعلام الوطني انه يعلمك ان عندنا شركة كهرباء قوية أوصلت الكهرباء للمدن والقرى وأن لدينا مواصير موية تصل إلى كل مكان ولاتهون المستشفيات والمدارس
يشتعل الجميع وطنية ، ويالله لك الحمد الله لايغير علينا : تلقاك طالع بزيك الوطني ، معك دجاجك او لحمك الوطني ، حتى لو بغيت تمر صراف مافيه امل تروح للامريكي ... وتصمم انك ماتستخدم الا مكائن صراف البنك العربي الوطني
حتى في المشروب شفنا الا ماعندنا شركة وطنية تنتج لنا مشروبنا الوطني ، لكن مستحيل نخالف وطنيتنا ونشرب مستورد عشان كذا نخلط سفن اب مع بيرة بربيكان في جيك ونرمي العلب والقوارير ، ونسمي هالشراب سعودي شامبين smaill37
جالس في مكانك الوطني ، مشروبك الوطني عندك ، حوارك الوطني بين يديك وطنيتك بجنبك لاحد ينازعك عليها ولا احد يقدر يهزها ، لا اللي قاعدين في لندن ولا افغانستان ولا الارهابيين اللي في الرياض ولا اللي في قطر او امريكا ... وطنيتك اقوى من حركاتهم
وطنيتك اقوى شي في العالم
@@@@@@
ناخذ فاصل وطني من الاذاعة الوطنية :
اعزائي المستعمين
هذا ابوخد يحييكم في هالمساء الوطني الجميل
انا فرحان مرة وانتم كل ابوكم فرحانين
اقسم بالله اننا فرحانين بقوة
ولاننا كلنا فرحانين نبي نعطيكم هديه عظيمة مرة وهي ثلاث ساعات نشنف اذانكم فيها باصواتنا ووطنيتنا وانتم بعد لازم تشنفونا و تشاركونا
وبيشاركنا هذا التشنيف الوطني ضيفنا الدكتور ابوشنب
مساء الوطن يادكتور
د.ابوشنب :
اهلا اهلا مساؤنا كلنا وطن
ووطننا كله مساء
وترا حتى انا فرحان مرة
ويبدا ابوخد من جديد :
اليوم هو اقوى يوم في الرياض
يعني في العالم
سبع وسبعين الف وردة نزرعها في حديقة الوطن
سبع وسبعين الف مليون قبلة نمطخها على جبين الوطن
سبع وسبعين ترليون لؤلوة ننظمها عقدا في رقبة الوطن
انا فرحان مرة
حقيقة ماقدر اعبر ومادري وش اقول
انا مادري ولا انت وشرايك يادكتور
تكفى ترا بصيح
ويحس المستمعون بصوت نشقة فيما يدخل صوت
د.ابوشنب ليحلل الموضوع ويعطينا رؤية وطنية من زاوية ثانية :
فعلا فعلا
وانظر كيف ابوخد من القصيم وابوشنب من حايل ومهندس الصوت من جيزان
كلنا فرحانين بقوة ومجتمعين وكل واحد جايب قطته فرحته معه
ويخطم عليه ابوخد :
فعلا وحتى اللي بيتصلون علينا هالحين
اعزائي المستمعين نبشركم
الحين بنستقبل اتصالاتكم
في برنامجنا :
هيا بنا نفرح
المتصل الاول :
الو
ابوخد :
مساء الخير والاحساس والطيبة
انا مرة سعيد
من معنا
المتصل :
معك حمود السعفة من ثادق
ابوخد :
الللللله ... ثااادق
يااالله مرة وناسة
المتصل :
احب ابارك واقول كل عام وانتم بخير
ومن العايدين الفايزين
عيدكم مبارك
وعساكم من عواده
ابوخد :
وانت بالف خير واحساس وطيبة
اللله شفت يادكتور ابوشنب كيف ؟
اترك التعليق لك
انا ماقدر اعبر عن شعوري
دكتور ابوشنب :
انت اللي شفت كيف ؟
صارت القصيم وحايل وجيزان وثادق
نستقبل اتصال ثاني
الو مرحبا
المتصل الثاني :
مرحبا الف
معك ظافر من الجنوب
دكتور ابوشنب :
هلا والله وغلا بظافر
ياسلااام
شف كيف انت من الجنوب وانا من الشمال
كل رجال الوطن اليوم يعلو صوتهم بكل وطنية
وحتى نساء الوطن بعد ودنا نسمع صوتهم
ولا انت وشرايك يابوخد
ابوخد :
فعلا فعلا
نستقبل اتصال
مساء الخير والاحساس والطيبة
المتصل الثالث ( صوت ناعم ) :
مساء المساءات المتعطرة بأريج الوطن
الرافلة في غلالة يتثنى فيها جسد شع بياضا كالمرمر وفيه ليونة اوراق الموز
وطعم المثلجات التي العقها بلساني لاطفئ لهيب الوطن الذي جعلني اتقلب شوقا ورغبة في نار العشق
هذا الحب هو الذي دفعني بكل مافي من جموح لأشارككم بكلماتي في أغلى الأيام
واقول لكم
مساكم الله بالخير
ابوخد يطير في العجة :
لا
مني مصدق
ايش الابداع هذا
انا اللي اقول لك مساء الورد
واشكرك على هذه الكلمات الرائعة اللي اكيد انها ماطلعت بهالقوة الا انها صادقة
ولا انت وشرايك يادكتور ؟
د.ابوشنب يحاول يطلع رومنسي بس مهيب راكبة عليه :
ياسلاااام
كلمات فعلا رائعة يا اختي
انا ايضا اشكرك عليها واشكر كل الوطنيين في هذا اليوم العظيم اللي فجّر كل الوطنية اللي فينا وتطايرت شظايا المشاعر تصيب كل المكان والزمان بعدوى حب الوطن
حتى من قوة الشظايا فيه واحد يمني اتصل يبارك ويدعي لنا بالتوفيق والنجاح ويقول انه خش جو الوطنية من قوة وطنيتنا اليوم ، والدكتور ابوشنب قام يصارخ ويقول شفتوا شفتوا مهوب بس القصيم وحايل وثادق وجيزان بل حتى الاخوة المقيمين من اليمن الشقيق
@@@@@@
انتهى الفاصل
لاني تعبت من الدوران في شوارع الرياض المليانة مطبات وحفريات التي تدل على مدى حشمة الحكومة للمواطن وخاصة هو يدفع تجديد استمارة كل 3 سنوات ، ونفق ابوبكر الصديق اللي له 3 سنين محفور ومسوين للمواطنين تحويلة يتزاحمون فيها كل يوم ، ممايدل على مدى تقدير الحكومة للمواطن وحفاظها على كرامته
وتعبنا برضو لأننا مرينا المركز الصحي في شمال الرياض وتعبنا كثير في اتخاذ قرار ندخل المركز ولا لا لأننا خفنا ينهدم وحنا فيه ، هذا غير اننا تعديناه وتعبنا لين لقيناه كنا نحسبه عمارة سكن بنغالية ، واللي اتعبنا اكثر انهم عشان حاجة بسيطة في عبودي ولدي قالوا لازم نحولكم للشميسي ، وهذا يدل على روعة حكومة الوطن اللي تخلي كل اهل الرياض شمالها وشرقها وغربها وجنوبها يروحون للشميسي عشان اسمه "مستشفى الرياض المركزي" كن الرياض الحين كبر شقرا ، بس مايهم .. أهم شي ان الدولة موفرة العلاج المجاني للمواطنين .. احمدوا ربكم ومالكم حجة الحين لو رحتوا لمستشفيات خاصة معناته انتم فسقانين
وتعبنا لأننا رحنا مقاهي مالقينا مكان ، لقيناها مليانة شباب زي الورد كلهم يا اما خريجين ثانوي مالقوا لهم قبول في الجامعة ، ولا خريجين جامعة مالقوا لهم وظايف
وتعبت لأني جيت ابدخل النت لقيته مفصول ، وادق على مزود الخدمة اللي هو سعودي نت ، بس اني عشان اكلمهم اتصل على 907 شركة الاتصالات (!!) اللي ماندري للحين هل هي شركة خاصة ولا تبع الدولة ! ثم يقولون خل رقمك ونرجع نتصل عليك ، يبدو ان مقولة "راجعنا بكره " واختها "اترك ملفك ونتصل عليك " هي علامة وطنية مميزة عندنا .. حتى لو انك دافع فلوس وماتبي الا حقك smaill37 ثم في النهاية يتصلون عليك ويقولون الخطا من شركة الاتصالات اللي يرجعون يقولون الخطا من مزود الخدمة ، مو مشكلة المواطن حقوقه محفوظة ولا احد يقدر يهضمها ولا بكرتون ببسي
وهذا اخر شي اذكره
لان الوقت تأخر وتوني متسحر سحور وطني فاخر عبارة عن كبسة بدجاج وطني مصلحينها برز ابوكاس اللي زادت قطمته 50 ريال ، وكان فيه سلطة وطنية ولله الحمد فلم نفتقد السلطة بما فيها من طماط صار الكيلو حقه بـ 7 ريال يعني الطماطة بريال .. بس هماه وطني .. يهون لعيون الوطن
وبعدها ختمت بكاس لبن وطني من اللي موصي عليه الدكتور ، وحمدت ربي على نعمة الأمن والأمان والصحة والعافية ... الله مير يعز الحكومة
و صليت و قررت انام
ولأن شعوري بالوطن يأبى الا الاستمرار في تألقه حتى النهاية
حتى نومتي لازم تكون نومة وطنية
بزي النوم الوطني :
سروال السنة وفنيلة النص كم (f)
* الموضوع قديم مع بعض التعديلات
والمشكلة اني لو جيت بدون شماغ زي العادة بيقولون : وشلون تجي بدون شماغ وحنا في ا ليوم الوطني
ياخي الحمدلله ان عندنا رمز وطني بهالشكل .. تخيل ان ماعندك شي يبين للناس انك انسان وطني :d
و مع حب الوطن الفرحة اللي حسوها الناس يوم قيل لهم ان اليوم هو اليوم الوطني .. هذا برضو شي مايقدرون يعبرون عنه بالكلام فتلقا الواحد يقابلك ويقول لك " ياخي ترانا في اليوم الوطني انا فرحان مرة " ويبتسم لك فترد عليه وانت تشاركة نخب هذه الجملة بابتسامة " والله انك صادق حتى انا فرحان " فيقول لك مباغتا بحس وطني عالي الجودة " انا افرح منك لاتتحداني " وتبدأ انت واياه في تقليد اساليب البزران ضاحكين كحمامتين بيضاوتين خلفهما علم أخضر cry:
ومن خلال الرادو ، والتلفزيون والجرايد تبين ان الفرحة اللي في وسائل الاعلام شي ثاني ... التلفزيون بقنواته والجرايد بصفحاتها والاذاعة بموجاتها كلها اقبلت تهتف من بعيد وهي تبكي من الفرح وتتعانق مع مشاعر الجمهور اللي كان يبكي وامتلأت الدنيا بدموع الفرح والوطنية القوية .. اقوى وطنية في العالم .. واقوى اي شي
حتى واحد متصل على برنامج يقول " كلنا فرحة بهذا الانجاز الرهيب " قالها في برنامج اذاعي وطني اللي يقدمونه ناس وطنيين بقوة ، والمتصلين كل واحد يبي يثبت انه وطني اكثر من الثانين او على الاقل " مفيش حد احسن من حد " ... عشان كذا هذا المواطن الوطني العظيم قال انه فرحان مرة اليوم " بهذا الانجاز الرهيب " ( شكله يسمع بالانجاز )
فعلا والله انجاز ... وكل اللي يتصلون يقدمون تهانيهم للملك وولي العهد وأمير الرياض ووزير الداخلية وأميرا لرياضة والشباب ونائب أمير الرياضة والشباب وأمير منطقة مكة المكرمة وأمير منطقة الشرقية وأمير منطقة حايل ومنطقة القصيم ومنطقة الحدود الشمالية ومنطقة تبوك ... بقى أحد ؟ ايه صح .. وأحلى تهنئة لأحلى شعب ... قسم بالله انكم أحلى شعب
@@@@@@
وفي المساء ...
احتفلنا مع المحتفلين
يحتفل البعض بالجلوس في استراحة ولا ملحق ولا على رصيف او طعس يشربون المشروبات الوطنية وياكلون ويتناجون في رومنسية حول مسيرة الوطن خلال سبع وسبعين عاما
وحتى اللي مايتعشون اول الليل ، تلقاهم جالسين طول الليل عندهم مشروباتهم وعندهم صحون فيها خيار وجزر وجبن وممكن تلقا قطع نقانق او مرتديلا او سلمون ( وكلووه وطني في وطني ) ... وياكلون حبة حبة طول سهرتهم بمنتهى السعادة وممكن يتعشون في اخر الصبح .. طبعا هالكلام في غير رمضان ، وفيه ناس حتى في رمضان
وتلقاهم جالسين عند التلفزيون او الرادو ويضحكون بقوة من كثر الفرحة باليوم الوطني ويتحمس الكثير انهم يسوون مداخلة بالتلفون عشان يطلع اللي في قلبه مع هالمذيعين والمتصلين الاخرين اللي قاعدين يطلعون اللي في قلوبهم من وطنية
تطالع تلفزيونك الوطني بكل مافيك من وطنية ... اجل اذا انت يالوطني تركت تلفزيونك الوطني من بيقعد يطالعه بالله ؟
واحيانا يكون من المفيد انك تطالع تلفزيونات اخرى
تشوف الاخبار ومناظر القتل والقصف والمشاكل في اوطان ثانية
وهنا تحمد ربك وتعرف انك في نعمة لما تشوف الاخرين في هالحالة ماهم قادرين يفرحون بيومهم الوطني cry:
ترجع التلفزيون الوطني تلقا مذيعتين من المذيعات الوطنيات صح ، وقد اطللن بملابسهن الخضراء باسقات كنخلتين وطنيتين
وأيضا من فوائد الاعلام الوطني انه يعلمك ان عندنا شركة كهرباء قوية أوصلت الكهرباء للمدن والقرى وأن لدينا مواصير موية تصل إلى كل مكان ولاتهون المستشفيات والمدارس
يشتعل الجميع وطنية ، ويالله لك الحمد الله لايغير علينا : تلقاك طالع بزيك الوطني ، معك دجاجك او لحمك الوطني ، حتى لو بغيت تمر صراف مافيه امل تروح للامريكي ... وتصمم انك ماتستخدم الا مكائن صراف البنك العربي الوطني
حتى في المشروب شفنا الا ماعندنا شركة وطنية تنتج لنا مشروبنا الوطني ، لكن مستحيل نخالف وطنيتنا ونشرب مستورد عشان كذا نخلط سفن اب مع بيرة بربيكان في جيك ونرمي العلب والقوارير ، ونسمي هالشراب سعودي شامبين smaill37
جالس في مكانك الوطني ، مشروبك الوطني عندك ، حوارك الوطني بين يديك وطنيتك بجنبك لاحد ينازعك عليها ولا احد يقدر يهزها ، لا اللي قاعدين في لندن ولا افغانستان ولا الارهابيين اللي في الرياض ولا اللي في قطر او امريكا ... وطنيتك اقوى من حركاتهم
وطنيتك اقوى شي في العالم
@@@@@@
ناخذ فاصل وطني من الاذاعة الوطنية :
اعزائي المستعمين
هذا ابوخد يحييكم في هالمساء الوطني الجميل
انا فرحان مرة وانتم كل ابوكم فرحانين
اقسم بالله اننا فرحانين بقوة
ولاننا كلنا فرحانين نبي نعطيكم هديه عظيمة مرة وهي ثلاث ساعات نشنف اذانكم فيها باصواتنا ووطنيتنا وانتم بعد لازم تشنفونا و تشاركونا
وبيشاركنا هذا التشنيف الوطني ضيفنا الدكتور ابوشنب
مساء الوطن يادكتور
د.ابوشنب :
اهلا اهلا مساؤنا كلنا وطن
ووطننا كله مساء
وترا حتى انا فرحان مرة
ويبدا ابوخد من جديد :
اليوم هو اقوى يوم في الرياض
يعني في العالم
سبع وسبعين الف وردة نزرعها في حديقة الوطن
سبع وسبعين الف مليون قبلة نمطخها على جبين الوطن
سبع وسبعين ترليون لؤلوة ننظمها عقدا في رقبة الوطن
انا فرحان مرة
حقيقة ماقدر اعبر ومادري وش اقول
انا مادري ولا انت وشرايك يادكتور
تكفى ترا بصيح
ويحس المستمعون بصوت نشقة فيما يدخل صوت
د.ابوشنب ليحلل الموضوع ويعطينا رؤية وطنية من زاوية ثانية :
فعلا فعلا
وانظر كيف ابوخد من القصيم وابوشنب من حايل ومهندس الصوت من جيزان
كلنا فرحانين بقوة ومجتمعين وكل واحد جايب قطته فرحته معه
ويخطم عليه ابوخد :
فعلا وحتى اللي بيتصلون علينا هالحين
اعزائي المستمعين نبشركم
الحين بنستقبل اتصالاتكم
في برنامجنا :
هيا بنا نفرح
المتصل الاول :
الو
ابوخد :
مساء الخير والاحساس والطيبة
انا مرة سعيد
من معنا
المتصل :
معك حمود السعفة من ثادق
ابوخد :
الللللله ... ثااادق
يااالله مرة وناسة
المتصل :
احب ابارك واقول كل عام وانتم بخير
ومن العايدين الفايزين
عيدكم مبارك
وعساكم من عواده
ابوخد :
وانت بالف خير واحساس وطيبة
اللله شفت يادكتور ابوشنب كيف ؟
اترك التعليق لك
انا ماقدر اعبر عن شعوري
دكتور ابوشنب :
انت اللي شفت كيف ؟
صارت القصيم وحايل وجيزان وثادق
نستقبل اتصال ثاني
الو مرحبا
المتصل الثاني :
مرحبا الف
معك ظافر من الجنوب
دكتور ابوشنب :
هلا والله وغلا بظافر
ياسلااام
شف كيف انت من الجنوب وانا من الشمال
كل رجال الوطن اليوم يعلو صوتهم بكل وطنية
وحتى نساء الوطن بعد ودنا نسمع صوتهم
ولا انت وشرايك يابوخد
ابوخد :
فعلا فعلا
نستقبل اتصال
مساء الخير والاحساس والطيبة
المتصل الثالث ( صوت ناعم ) :
مساء المساءات المتعطرة بأريج الوطن
الرافلة في غلالة يتثنى فيها جسد شع بياضا كالمرمر وفيه ليونة اوراق الموز
وطعم المثلجات التي العقها بلساني لاطفئ لهيب الوطن الذي جعلني اتقلب شوقا ورغبة في نار العشق
هذا الحب هو الذي دفعني بكل مافي من جموح لأشارككم بكلماتي في أغلى الأيام
واقول لكم
مساكم الله بالخير
ابوخد يطير في العجة :
لا
مني مصدق
ايش الابداع هذا
انا اللي اقول لك مساء الورد
واشكرك على هذه الكلمات الرائعة اللي اكيد انها ماطلعت بهالقوة الا انها صادقة
ولا انت وشرايك يادكتور ؟
د.ابوشنب يحاول يطلع رومنسي بس مهيب راكبة عليه :
ياسلاااام
كلمات فعلا رائعة يا اختي
انا ايضا اشكرك عليها واشكر كل الوطنيين في هذا اليوم العظيم اللي فجّر كل الوطنية اللي فينا وتطايرت شظايا المشاعر تصيب كل المكان والزمان بعدوى حب الوطن
حتى من قوة الشظايا فيه واحد يمني اتصل يبارك ويدعي لنا بالتوفيق والنجاح ويقول انه خش جو الوطنية من قوة وطنيتنا اليوم ، والدكتور ابوشنب قام يصارخ ويقول شفتوا شفتوا مهوب بس القصيم وحايل وثادق وجيزان بل حتى الاخوة المقيمين من اليمن الشقيق
@@@@@@
انتهى الفاصل
لاني تعبت من الدوران في شوارع الرياض المليانة مطبات وحفريات التي تدل على مدى حشمة الحكومة للمواطن وخاصة هو يدفع تجديد استمارة كل 3 سنوات ، ونفق ابوبكر الصديق اللي له 3 سنين محفور ومسوين للمواطنين تحويلة يتزاحمون فيها كل يوم ، ممايدل على مدى تقدير الحكومة للمواطن وحفاظها على كرامته
وتعبنا برضو لأننا مرينا المركز الصحي في شمال الرياض وتعبنا كثير في اتخاذ قرار ندخل المركز ولا لا لأننا خفنا ينهدم وحنا فيه ، هذا غير اننا تعديناه وتعبنا لين لقيناه كنا نحسبه عمارة سكن بنغالية ، واللي اتعبنا اكثر انهم عشان حاجة بسيطة في عبودي ولدي قالوا لازم نحولكم للشميسي ، وهذا يدل على روعة حكومة الوطن اللي تخلي كل اهل الرياض شمالها وشرقها وغربها وجنوبها يروحون للشميسي عشان اسمه "مستشفى الرياض المركزي" كن الرياض الحين كبر شقرا ، بس مايهم .. أهم شي ان الدولة موفرة العلاج المجاني للمواطنين .. احمدوا ربكم ومالكم حجة الحين لو رحتوا لمستشفيات خاصة معناته انتم فسقانين
وتعبنا لأننا رحنا مقاهي مالقينا مكان ، لقيناها مليانة شباب زي الورد كلهم يا اما خريجين ثانوي مالقوا لهم قبول في الجامعة ، ولا خريجين جامعة مالقوا لهم وظايف
وتعبت لأني جيت ابدخل النت لقيته مفصول ، وادق على مزود الخدمة اللي هو سعودي نت ، بس اني عشان اكلمهم اتصل على 907 شركة الاتصالات (!!) اللي ماندري للحين هل هي شركة خاصة ولا تبع الدولة ! ثم يقولون خل رقمك ونرجع نتصل عليك ، يبدو ان مقولة "راجعنا بكره " واختها "اترك ملفك ونتصل عليك " هي علامة وطنية مميزة عندنا .. حتى لو انك دافع فلوس وماتبي الا حقك smaill37 ثم في النهاية يتصلون عليك ويقولون الخطا من شركة الاتصالات اللي يرجعون يقولون الخطا من مزود الخدمة ، مو مشكلة المواطن حقوقه محفوظة ولا احد يقدر يهضمها ولا بكرتون ببسي
وهذا اخر شي اذكره
لان الوقت تأخر وتوني متسحر سحور وطني فاخر عبارة عن كبسة بدجاج وطني مصلحينها برز ابوكاس اللي زادت قطمته 50 ريال ، وكان فيه سلطة وطنية ولله الحمد فلم نفتقد السلطة بما فيها من طماط صار الكيلو حقه بـ 7 ريال يعني الطماطة بريال .. بس هماه وطني .. يهون لعيون الوطن
وبعدها ختمت بكاس لبن وطني من اللي موصي عليه الدكتور ، وحمدت ربي على نعمة الأمن والأمان والصحة والعافية ... الله مير يعز الحكومة
و صليت و قررت انام
ولأن شعوري بالوطن يأبى الا الاستمرار في تألقه حتى النهاية
حتى نومتي لازم تكون نومة وطنية
بزي النوم الوطني :
سروال السنة وفنيلة النص كم (f)
* الموضوع قديم مع بعض التعديلات