باكت الهابي طلبوا الصلح من الحائط

[N!TRo]

سلامن عليكم


العلم هذا صحيح ومافيه اي شك

قادة الحائط يتناقشون موضوع السلام اللي قدمه احد قادة بكات الهابي لأن اعضاء الهابي قاموا يتركون الحلف لأنهم ملوا من التكفيخ وحظر التجول اللي حاصلsmail34


نبي ارائكم بالموضوع وراح نبدي راينا معهم لأننا مايقل قدرنا عن اي حلف ثاني او بالاحرى حنا حلف بلحالنا

ودمتم http://illiweb.com/fa/i/smiles/icon_rr.png <--دكستر وش رايك

[ســعــد]

المفروض احنا في مثل هذا الموقف


نرفض السلام


ونخلي قائد 2 عبرة لنا

لان مبين من مخطط اليهود تكرار اللي صار في قائد 2


لاحظنا قبل يومين الريشون يطلب الصلح مع محور الثقة

واليوم الهابي شيف يطلب مع الحائط

موقفنا كـ عرب وصينيين مفروض ما نوافق على اي طلب سلام منهم

[lost soul]

وهذا المفروض اننا نرفض السلام هم اللي بدوا لازم يتحملون نتايج افعالهم

[kan]

ياليت هالكلام يكون صحيح
فرصة لنا نشم الهوا فوق بهدوء وناخذ فترة نقاهة ونتفرغ للبناء شوي .. ويبقى قدامنا بقايا اليوري وارينا اللي يسرحون ويمرحون فوق ..
هالحرب كلفتنا مثل ماكلفت الهابي وحلفائهم ..
كلفتنا جهد ووقت وكلفتنا إننا نبقى في اماكنا ونوقف التطوير..
على جهدنا وهمتنا نحتاج لشهرين بالكثير وبنكون محيطين في الهابي وبكل اعدائنا من كل الجهات وفي الحالة هذي حنا اللي بنقلب عليهم هالمرة :)

[كعات]

مانبي سلام نبي نمغطهم لين يعرفون ان الله حق
وبصراحه اتمنى ان الاخوان يكون لهم دور قوي في عدم تنفيذ هالقرار
دمتم بود

[الشرسه]

ياليت هالكلام يكون صحيح
فرصة لنا نشم الهوا فوق بهدوء وناخذ فترة نقاهة ونتفرغ للبناء شوي .. ويبقى قدامنا بقايا اليوري وارينا اللي يسرحون ويمرحون فوق ..
هالحرب كلفتنا مثل ماكلفت الهابي وحلفائهم ..
كلفتنا جهد ووقت وكلفتنا إننا نبقى في اماكنا ونوقف التطوير..
على جهدنا وهمتنا نحتاج لشهرين بالكثير وبنكون محيطين في الهابي وبكل اعدائنا من كل الجهات وفي الحالة هذي حنا اللي بنقلب عليهم هالمرة :)
هههههههههههههههههههههههههههههههههههههه
من جد تعبنا ولكن انا اقول ان الصلح مشكله لان فيه مخاطر على دولنا ويجوز ان السلام ينقلب ضدنا لانهم بيطلعون من الاجازه ويبنون دول وهذا راح يضرنا .
انا اقول إذا صار سلام لازم نشرط شرط واهو يمنع بناء دول جديده لمده معينه من الوقت حتى نشوف النوايا

[الدباب]

انا اقول .. الصلح زين مانتصالح دالصلح زيييييين .. الصوولح زييييين

اذا كان فيه صلح فهذي فرصة عشان نمحط فوق ونرتب امورنا ، وخلهم يجون يقلبون علينا بعدين ، احنا خلال فترة بسيطة فيها هدوء وسلام بنسوي الهوايل لأننا مقلعين ... يعني اتوقع لو استمر الصلح شهرين بنحقق اللي هم حققوه في سنة ، أصلا بعد شهرين تلقانا حنا متفلتين وقافلة معنا ندور حرب باللي هي به ثم بيجون هم على بالهم قالبين علينا مايدرون الا حنا نقول لأكبر بقرة فيهم : بالحوووووضن ياحبيبي

احلى ياصديقيني القوييين .. ماخلاهم يستسلمون الا انتم : )

[kan]

احلى ياصديقيني القوييين .. ماخلاهم يستسلمون الا انتم : )
تقوله صادق ياأبو عبدالله؟ : )
عموماً (لو صحت) الخبرية فهذا دليل على كم الأذى اللي تعرضوله الهابي.. واللي تحول وضعهم بدال ماهم حاجرينا تحت ومتمتعين بالهواء الطلق فوق إننا حجرنا دولهم الكبيرة فوق وقطعنا عنها طريق الإمداد او رفع دول جديدة واصبحت الدولة اللي تمر من منطقتنا تعتبر إنتحارية صرفة علشانها تمر من حوالي 1500 دولة منتشرة بمساحة ضيقة ..
غير إننا كل فترة نطلع فوق ونلقط هامور من هواميرهم في الوقت اللي محاولاتهم بشن علميات إنتحارية لضرب مصانع دولة هنا او هناك بائت بالفشل في إعاقة تقدم الحائط ..
طبعاً المستفيد الاول والاخير من الحرب والسلم هو الحائط "الأجنبي"
لازم ماننسى إن لولا الله ثم التحالفات الإقلاعية والتشين والعومير كان الحائط ركع وبكى أمام تحالفات الهابي.. مانغفل دور الار ار والايرونز وغيرهم لكن الجهد الأكبر كان على عاتق التحالفات الثلاثة هذي..
واللي كانلها الفضل بحماية ظهر الحائط وتنظيف أعدائه من منطقة البراعم واللإستمرار بالتنظيف والتصدي وصولاً إلى قوة ترليون ومن ثم ترليونين وثلاثة ..
السلام فيه فايدة لنا لكن وفق شروط وضوابط .. واي مفاوضات سلام لابد نكون مشاركين فيها.. فنحن شركاء وحلفاء ولسنا تابعين لأحد .. ومثل ماحنا شركاء في الحرب ايضاً لازم يكونلنا دور وموقف في اي مفوضات سلام جارية .. وأتمنى من القادة التنبيه لدى الحائط الأجنبي على النقطة هذي..

[الدباب]

وفيه نقطة مهمة ... لولا ان البقر اللي في الحائط والباكت حقنا جبناء وداخلين في اجازة ، كان ناتفين الهابي تشيف من زمان

مهوب قاعدين لي كم بقرة في 6 ترليون و10 ترليون و14 ترليون يتجسسون علينا ويرفعون لنا انتحارييين ، بينما بقر الباكت الاجنبية زابنين إجازات من الخوف على دولهم
وتاركينا نصارع عشان نوصل ترليونين ولا 3 ... ووصلنا بفضل الله

[الدباب]

كان ياخي لاتساقط smaill37

[x Claw x]

خبر يفرح بصراحة وان دل هذا يدل على كم الضرر الي جاهم من حربهم معنا

ومثل ماقال الدباب والكل يشهد ان المقلعين ماقصروا ونشفوا ريقهم وطلعوهم من هالحرب بخساير ماكانوا يتوقعونها ابدا

اذا على موافقة ورفض ان كان تبون الحق انا من رايي انا نرفض السلام معهم في الوقت الحالي..

لو بنوافق على السلام بيكون هدفنا هو انا نطلع فوق ونفتك من هالحروب والقيود فوق الترليون ولا الترليونين لكن هالشي ماراح ينتهي راح يكونون الارينا واليوري في هالتحالفات زابنين وبيضربون فينا في كل وقت هذا غير الدول الانتحاريه..

وبنفس الوقت الهابي شيف وشلتهم راح يطورون انفسهم مثل ماحنا بنطور انفسنا لكن هم ماراح يواجهون اي عقبه وبيشيلون دولهم الي بمناطقنا كلها وبيرفعونها وبيطورونها وبيجون بدول غيرها وحنا بنتلاقط مع هالدول المتطايرة من كل مكان


ومانبي نقص على روحنا ونقول انهم يعنون السلام لان الشي هذا مستحيل خصوصا من هالخمه حقون الهابي مثل ماصار من الحرب الي قبل وقفوها سلام لين رتبوا اوضاعهم ودخلوا مره ثانيه لكن مامشى وضعهم بسبب انضمامنا حنا والفنس للحائط ولا كان قل على الحائط السلام :)


السلام راح يفيدنا وبنتطور بشكل سريع وبشكل كبير جدا ان شاءالله بس مثل ماوضحت ما اتوقع انهم بيسكتون واكيد وراهم مكيدة .. يوم انهم شافوا كل خططهم فشلت رجعوا لاسلوب الغدر حقهم ولازم مانبين لهم ضعفنا وانا مستمتعين بالحرب وماعندنا اي مانع بالاستمرار (غمزة)

[بيتارا]

الخبر فرحني من جد لأننا درينا وش كثر حنا لاعنين جدهم

لكن خوفي انها تصير على روسنا لأن ترا هذي عوايد حروب الهابي يحاربون وينلعنون ويسوون صلح يبنون دول ويحاربون وينلعنون يعني حركات انبراشية متعودين عليها

لكن ممكن ينفعنا الصلح من نواحي ثانية كنا ننتظرها قبل الحرب والحرب وقفتها : )

[يـ§ـاسـمـ§ـيـن]

مممممرحبا

لنا شهور وحنا بحالة حرب .. وذبحونا الانتحاريين وتدمير المصانع

ودنا بالصلح والسلام ..

بس أخاف عقبها نقشر بصل من الزهق مثل أخوانا في كوماندوز لووووول

[سنيور]

مثل ما الكل عارف انه لولا دخول الهابي شيف لهذي الحرب كنا الحين حنا واخيوانا في كوماندوز كلنا باكت واحد وتحت سقف واحد مع اقوى باكت في اللعبه الي هم ال Aot لكن دخول الهابي شيف الحرب قبل اسبوع من انتهاء المفاوضات دمر الدنيا كلها وحنا طبعا دخلنا الحرب هذي عشان ما نفقد سمعتنا كاقلاعيين وعشان لحد يتكلم علينا ويقولون انهم لما شافو الحرب خسرانه طلعو من عندنا وراح مع Aot لكن مثل ما لمح بيتارا الصلح له فايده وحده بس والي هيه انضمامنا مع اخوانا في كوماندوز تحت سقف باكت واحد غير هذا ترى حنا خسرانين واذا الكل ما يبي الصلح كلمو قادة الباكت انه حنا رافضين الصلح واذا هم بيسوون الصلح حنا بيكون لنا تصرف ثاني وما نعلن عنه الا اذا صار الصلح ننتقل مع اخوانا بتنسيق القاده هذا رايي انا

[فرحان]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
وبعد:

اول شي طلب الهابي شيف (ان صح) فهذا معناته انهم تأثروا وبشده من الضرب اللي جاهم ومن تعطل مصالحهم ومن فقدانهم لكثير من اعضائهم

الشي الثاني
اذا وافقوا الحائط بدون مايعطونا خبر او حتى يشاورونا فهذا معناته (رأي شخصي) معناته اننا ولا شي ومعناته اننا لازم ننسحب

كلنا نذكر يوم بدت الحرب كنا ناوين ننسحب من الحائط ولكن مع بداية الحرب قبل الانسحاب كنت من اول المعارضين للانسحاب وكل هذا حفاظاً على سمعتنا وسمعة الاقلاعيين والعرب بشكل عام

الوضع العام باحاول اشرحه باختصار

احنا الان في منطقة امان ولا اي حلف من الاحلاف يقدر يكون فيها

تخيلوا من 10 مليار حتى - 2 تريليون حالياً ماحد يقدر يقربنا بالعكس الهابي شيف الان كل دوله تطلع من الاجازه يدرون ان الخطر عليها بنسبة 95% وراس المال قرار جواسيس مايكلف 7 ادوار
وكلكم شايفين اي شخص تطبق عليه القرار ارسلناه للزباله باقل الخساير

انا باقولكم اللي راح يصير لو صار الصلح بينا وبينهم

بتطلع بقر الهابي شيف اللي فوق من الاجازه وبيبدون يطلعون انتحاريات لنا مثل اول قبل مايعلنون الحرب ويدمرون مصانعنا واحنا اللي بنكون خسرانين في الحاله هاذي
الان بقرهم كلها (اللي يسرقون منها واللي مايسرقون) في اجازه الا كم دوله مضادها قوي مخلينها برا
عشان كذا في حالة الصلح لازم نطلب تعويضات + يشرط عليهم عدم انشاء دول جديده لمدة شهرين + اي دوله تكتشف انها بقرة ينسرق منها يحق لنا اننا نسرق منها ويحق لنا اننا ندمر الدوله
يعني اقل بقره عندهم لازم يكون مضاد التجسس اقل شي 25

طبعاً في حالة الصلح اذا رغبتوا في الانفصال عن الحائط فهذا شي راجع لقيادتنا وحنا تحت امرهم باي شي يقولونه

وطبعاً اعجبني كثير كلام اخوي سنيور
هذا مالدي الان ولو فكرت في شي او تذكرت شي راح ابلغكم

تحياتي لكم

[ســعــد]

انا سالت عن السالفة


يقولون انهم طلبوا سلام ورفضنا لاننا عارفين حركاتهم

ونبي نخلص عليهم عشان ما يرجعون لنا مره ثانية

بالنسبة لـ قالوا لنا ولا لا

السالفة صارت بالماسنجر يعني سواليف صيف

[LoMe]

طبعا لا للسلام
جاية الاجازة وبنحشرهم والحرب وناسة ودامهم طلبوا الصلح معناتها راحو فيها وبينها انفصالات هناك لان اللي فهمته من كلامكم انه قائد من قادة هابي شيف يعني مو قائدهم الكبير اللي طلب

[رائد]

طبعا لا للسلام


mad mad mad mad mad mad mad mad

[ســعــد]

الهابي شيف بدا يتفكك :d

هع هع هع

هذي نهاية المبزرة اذا دخلوا في الحروب وهم مو قدها

[سنيور]

انا عندي اقتراح بس ما ودي اطرحه اهني لاني مش عارف كيف اشرحه افضل اقوله لاي احد في الماسنجر وهو يشوف له طريقه للطرح