يا أهل الخبرة

[AL-FARIS]

الحين لو ارسلت دعم هجومي لقرية تابعة لي ليه ما ألقها في rally point
وبعديين وش الوضع لو ارسلت نع الدعم نوبل لقرية قريبة من عدوي يعني على شان اختصر المشورة من القرية البعيدة وخلي نقطة الانطلاق من القريبة ..


تسلم ايدينك اللي فعصت الكيبورد مقدماً

[مستثمر]

لما تدعم قراك او قرا غيرك ما تقدر تهجم بالجيش هذا

يعني ما تقدر تتحكم بالدعم

وانت تقدر ترجع الدعم ادخل الرالي بوينت ثم اضغط على troop وتلقا هناك دعمك ورجعه

والنوبل لو دعمت به ما راح تستفيد منه لانك ما راح تقدر تهاجم به لانه دعم

بالمختصر الشديد الدعم من اجل الجيش الدفاعي فقط لا غير

وإذا تبي تحط نوبل قريب من قرية بتاخذها مالك الا تنتجه من جديد في القرية القريبة

وسلام

[AL-FARIS]

مشكور يالغالي ... على ردك

بس الحين يعني كم مرة لازم ترسل النوبل على شان تحتل قرية العدو وكم عدد الجيش التقريبي اللي لازم يكون معا النوبل بحث اضمن انه ما ينقتل؟
وهل لازم يكون معا الجيش خيل ابيض أو نوبل على شان يجيني تقرير عن القرية اللي مهاجمها .. وهل (: <-------< ماينعطى وجه


والله الاسئلة كثيرة وانا ادري اني زودتها عليك بس مدري هل؟ (: احطها هنا ولا في موضوع ثاني هههههههههههههه



مشكور يالغالي على سعة صدرك . :heart

[black ranger]

بس الحين يعني كم مرة لازم ترسل النوبل على شان تحتل قرية العدو
لازم ترسل النوابل 4 مرات ورى بعض علشان الولاء يصير صفر ( قليل تخمه ويصير الولاء واحد ويفقع المراره وتبهذل وترسل خامس مرة )

اذا كان ما عندك الا نوبل واحد الله يعينك ترسله ويرجع هو بطى مرة
لان الولاء كل ما تتاخر يرتفع درجه مع كل ساعه

عدد الجيش التقريبي اللي لازم يكون معا النوبل بحث اضمن انه ما ينقتل؟
هذا عاد ما ادري بس على الاقل 200 حصان بني او 200 فاس انا ما اعرف كم بس انتبه لا يموت النوبل من نفسه

وهل لازم يكون معا الجيش خيل ابيض أو نوبل على شان يجيني تقرير عن القرية اللي مهاجمها ..
اذا هجمت وبقى من الهجووم شئ يعطيك كم قتلت :)

احسن ما في الخيل الابيض يعلمك كم قواته خارج القرية

[AL-FARIS]

تسلم اخوي بلاك ويعطيك العافية .. توضيح :(

يعني الحين لو بقى من قواتي اي عدد راح تجيني معلومات عنه بغض النظر ان كان (ابيض+اسود+احمر) وياريت شلون قواته خارج القرية؟ ؟ وش تعني

بعدين اشوف الشباب يقول لو جاني هجوم الافضل اني اطلع قواتي خارج القرية واقاته وشلون هل الامر ياريت احد يوضح لنا مشكوراً


والله من كثر ما فقع مرارتي هل نوووبل الله يخسـه أني يوم ارسلة اغطية (بفروه) خوفاً لايمرض واتوهق انا بموته :)

[مستثمر]

يعني الحين لو بقى من قواتي اي عدد راح تجيني معلومات عنه بغض النظر ان كان (ابيض+اسود+احمر) وياريت شلون قواته خارج القرية؟ ؟ وش تعني

ايه انت تقصد لو قتلت كل جيشة راح تشوف اللي قتلته (تسمى كلير للقرية) يعني نضفتها ولا بقا فيها شيء

والافضل ترسل هجوم تنضيف و بعد ما تتأكد انها نضيفة ترسل الدلوع (النوبل) علشان ما يجية شيء

بعدين اشوف الشباب يقول لو جاني هجوم الافضل اني اطلع قواتي خارج القرية واقاته وشلون هل الامر ياريت احد يوضح لنا مشكوراً


مثل ما قلت لك في السابق قبل النبيل احيانا يرسلون هجمة للتنضيف يقومون الشباب يطلعون الجيش يعني يهجم على قرية قوتها 50 ولا 100 ولا يدعم الجيش في اي مكان و يرجعه على طول (باختيار كنسل) وبكذا ضربته حقت التنضيف تجي و انت اصلا جيشك برا فيصير ما سوا لك تنضيف و انت تضرب نوابلة اللي جاية لانك رجعت جيشك للقرية
الفائدة: ان النوبل هو المستهدف و انك تبي تخلص علية :lol:

[black ranger]

8
8
8

ياخي لا تساقط خخخخخخخخخخخخخخخخخخخخخ

قطع الارقاب ولا قطع الارزاق

[مستثمر]

8888888888

ابشر يا بلاك اي سؤال هو لك :lol:

[AL-FARIS]

ايــــــــــــــــــــــــــــــــــــــه السالفة جـــــــــذا..

يعني على كذا لازم تخلي احدى القرى اللي لك تهاجم(كلير) قبل لا يتفضل سموه بالزيارة.. يعني هم هم حتى في الألعاب (؛


على العموم يعطيكم العافيه يا شباب على هل معلومات ترى (مكلمكم) ماله ألا أسبوع في هل لعبة فأعذرونا على كثر الأسئلة وسخفها مرات ...








مشاء الله الشباب تعازمون على الأجــــــــــابة كفو والله :heart:

[abbood]

يوووووووووووووه ما لحقت أجاوب <<<<< كن عليها جوايز أصلاً

[mojrem]

لا تشيل هم اسأل اسخف الاسئله تجد اسخف جواب معليك انتثر بس :)