توضيح عن مشكلة دولة هولاكو

[الليل أبو لمبه]

السلام عليكم
كثر الكلام عن التعويض الكبير المطلوب مننا مؤخرا وهو 2 تريليون
الي حصل ان لا ولا شي ضرب دوله من المكرادي macrady ... وكان من الاحلاف الممنوع الهجوم عليها ....ومن الاحلاف القديمه في اللعبه
اهم نقطه كانت في الدوله ان تكنو التجسس فوق 200 والمضاد كذلك ...
وكحسبه دقيقه طلع التعويض 5 تريليون بالظبط ...... وبعد مداولات ونقاشات طويله وحاده معهم قدرنا ننزلها لتريليونين ...
انا حاولت اشد عليهم واراوغ بالكلام وحديتهم على اقصاهم لين اعترفوا في الاخير ان التحالف هذا حنا مو قده واذا ما عوضناهم خلال هاليومين راح يدخل في حرب ضدنا وحنا ما عندنا استعداد نفتح جبهه جديده وحنا في حرب قائمه ...... ولو انهم هم الي متعدين عليكم راح يقوم معكم الباكت كله ... لكن الي حاصل ان كل الي حصل بسبة غلطة واحد من اعضائنا ..
وعلى هذا الاساس اذا ما عوضتوا راح نظطر نطلعكم من التحالف ونوفر على انفسنا حرب احتما ما نكون قدها .....

الدباب كلم لاولاشي وما قصر البطل عرض دوله كلها للتعويض وقال سووا الي تبون ... في موقف بطولي ما قد شفته الا منه وبرهن ان قلبه على تحالفات الاقلاع (f) (f) ...

تبرع كلاو (f) بدوله من عنده قوتها 800 مليار ... وتبرع بخمسين الف ارض من دولته الثانيه .... وتبرع الدباب بـ 300 مليار كاش من دولته (f) وانا تبرعت بـ 300 مليار كاش من دولتي .... وجاري العمل على توصيلها للتريليونين ....

وعليه تم الاتفاق على تعويض كلاو بدولة هولاكو وبنفس الوقت تعويض لا ولا شي بداعم سنه من كلاو ...

ومن هذا المنبر احيي الابطال ( لا ولا شي وكلاو والدباب ) الي وقفوا بصدق معنا في هالمحنه في وقت صعب جدا جدا وما تخلوا عنا زي غيرهم لمصالح شخصيه أو لعدم اقتناع ....

[بلبل عمان]

^
^
سبحان الله
اخي العزيز بما اننا كلنا في حلف واحد يفترض يطرح الموضوع لجميع الاعضاء للمساهمه والمساعده
على كل حال عندي دوله فوق التريليون وبداعم وفيها اكثر من 90 الف ارض والتكنولوجيا شبه كامله اذا تحتاجونها هي لكم سواء ترفعونها الى 2 تريليون وترسلونها لهم او ابيع الاسلحه وتاخذون الكاش وترفعون الدوله وهي حاليا بقرار سلام ينتهي بعد 7 ساعات وفي غيرها دوله فوق 900 مليار وعليها قرار سلام بعد .
انتظر ردكم اي من الدولتين تحتاجون .

[D7D7]

الحين الموضوع هذا اول شي ماندري لحد ايش تطرق اخر شي عرفناه او انا الي عرفته ان محمد الي هو لالا ولاشي نشوف اعذاره بضربته ولا ورد عليكم انه ماضرب احد بالحلف هذا عموما ماكنا بصوره عن الوضع بضبط واان كلمتك بالماسنجر وماكان عندك خلفيه كامله حتي عن الوضع انا مابيين هشي تقصير في احد لاكن الي ابينه مايحتاج يكون ختام الكلام ياقلبي بهذا الحكي (( وما تخلوا عنا زي غيرهم لمصالح شخصيه أو لعدم اقتناع ....


:

عموما انا مابي اكلمك بالماسنجر لاني امون عليك وغير كذا انا وغيري لو حطيت موضوع لنا راح نجيك ركض بس موضوعكم سكتم بكتم على قولتهم يعني الله يعين بس : )


وان كان باقي تعويضات ولا شي اكتبها ومحد راح يقصر انشالله ومشكور ياقلبي على الي تسوييه

[الليل أبو لمبه]

ما تقصر بلبل
وبعدي والله دحدح

بس الموضوع كان هام وخطير وما يحتمل اي تأخير ..... لانه الاقلاع كله كان بكفه والتعويض بكفه
قسم بالله ما تتصورون الظغط الي كنت تحته فترة المفاوضات .... وكنت متصور الكل بيوقف معنا ....
لكن مو مشكله ....

وما تقصر يا جدي

[kan]

ولو انهم هم الي متعدين عليكم راح يقوم معكم الباكت كله
إيه شفنا وقفاتهم معانا في كثير ظروف وأحوال..
عموماً الريشون ضاربين شلة دول من يومين ماأدري هاللي بيوقفون معانا وش موقفهم وحنا بعد وش موقفنا من هالموضوع..
ثاني شي تعويضاتنا اللي عند الحائط تفوق الترليونين بكثير ماأدري وش صار عليها؟
لها شهوووور ماحد سأل عنا فيها .. ولا وقت اللي حنا بنعوض يجونك طايرين ووقت التعويض لنا نقعد ننتظر السرا بالشهور؟؟
عموماً تحية للشباب اللي عوضوا ومعوضين خير إن شاء الله

[فرحان]

احيي الشباب اللي تبرعوا بالتعويضات
النقطه هاذي لازم ننتبه لها ياشباب وهي انك ماتضرب دوله الا وانت مصورها
وخل الصوره عندك شهر بالضبط اذا انتهى الشهر احذفها ولا عليك من احد

الشي اللي ابي اتكلم عنه ان قرود الحائط اللي جالسين يقولون ماحنا قد هالتحالف وخايفين احب اقول انهم كذابين في وجيههم احنا جالسين نحارب اكبر تحالفات اللعبه ولعنا سلسبيلهم يجون الحين يقولون التحالف هذا ماحنا قده؟

تحالف مافيه الا خمس دول مدري ست يقولون خايفين انهم يدخلون الحرب ضدنا؟

نخولات الحائط هاذي ماهيب مضبوطه

والراي بصراحه اننا نجتمع ونتف لنا على رأي ياجماعه
يا ينضبطون معنا الحائط ولا نتركهم ونمشي
اكثر من خسر في هالحرب حنا واكثر من يشتغل حنا والحين جايين يقولون ادفعوا ولا طردناكم؟

الله ابوهم لأبو اللتسلب

[kan]

^
^
كلامك مابعده كلام يافرحان
المشكلة حنا بضعف إمكانياتنا اللي في عمرهم الحائط مادعمونا حتى بجندي ولا مدفع وشغالين لوحدنا وبجهد الشباب وبجهودنا الذاتية وهم اللي متبطحين ودولهم البقر اللي بالترليونات مقفلينها وخايفين عليها ..
لو بس يفكون كم دولة من بقرهم ويدعمونا فيها علشان نرقى أو يضربون فيها اللي حولهم .. كان تغير شكل المعركة ..
لكن هذي المصيبة لاجاك شين وقوي عين مجمع يهود على مصارية وش ترجي منهم بعد !!

[Mazn911]

أنا من رأي تعلنون الحرب ع هالحلف ..

وإذا مافزعوا الحائط تطلعون منهم وأنتم إللي لكم الحق ..

حتى لو كانت الخسارة دولة أزين من المسخرة ذي مع أحترامي ..

أنا من يوم شفت المصارية فيها وأنا غاسلن يديي من الحائط

[KSArmy]

احيي الشباب اللي تبرعوا بالتعويضات
النقطه هاذي لازم ننتبه لها ياشباب وهي انك ماتضرب دوله الا وانت مصورها
وخل الصوره عندك شهر بالضبط اذا انتهى الشهر احذفها ولا عليك من احد

الشي اللي ابي اتكلم عنه ان قرود الحائط اللي جالسين يقولون ماحنا قد هالتحالف وخايفين احب اقول انهم كذابين في وجيههم احنا جالسين نحارب اكبر تحالفات اللعبه ولعنا سلسبيلهم يجون الحين يقولون التحالف هذا ماحنا قده؟

تحالف مافيه الا خمس دول مدري ست يقولون خايفين انهم يدخلون الحرب ضدنا؟

نخولات الحائط هاذي ماهيب مضبوطه

والراي بصراحه اننا نجتمع ونتف لنا على رأي ياجماعه
يا ينضبطون معنا الحائط ولا نتركهم ونمشي
اكثر من خسر في هالحرب حنا واكثر من يشتغل حنا والحين جايين يقولون ادفعوا ولا طردناكم؟

الله ابوهم لأبو اللتسلب

هذا الكلام اللى يجمد على الشارب

ويا شباب للمعلوميه كنت بحلفى فى الايرونز تبع الحائط وفى فتره من الفترات اعتدى علينا حلف امير زناتو وطالبنا بالتعويض ولا جانا شي وبعد كذا اعتدى علينا حلف تشاينا نيو وتم التعويض ب100 مليار كاش فقط والدوله قوتها 400 مليار تخيلو طبعا كذا حنا كنا مضطهدين بكل ما تعنيه الكلمه اللى سويناه
انسحبنا من الايرونز ولكن قبل انسحابنا بفتره تقريبا نصف الشهر دعمنا دول لنا فى حلف وهمى وضربنا كل اللى اعتدو علينا

والان حلفى كامل كله ولله الحمد مع الكومندوز وامورنا ماشيه تمام

انا ما اقول الكلام هذا عشان اخليكم تتركون الحائط لا والله بس عشان ما ترخون الحبل لهم

وسلامتكم

[المشهر2006]

السلام عليكم ورحمة الله وبركاته

اول شي الله يعطيك العافيه والشباب الي فزعواا بالتعويضات وماقصرواا

الشي الثاني الي ابي اقوله ان كلام اخواني بلبل عمان ودحدح في الصميم المفروض ان يكون فيه موضوع ويكون مفتوح المشاركه من الجميع منها يكون العبء على الكل واخف في شيلته
عموما انا اخبرتك سابقا ان على استعداد للمساهمه ولكن انتظاركم رد لا ولاشي قلت خل نصبر

المهم الان ماراح ازيد على الشباب اذا كان باقي في مجال سواء مادي او دول فانا على استعداد .

[x Claw x]

الله يعطيكم العافيه على مشاركتكم ويشهد الله انكم مابتقصرون كلكم ورايتكم بيضا

والحمدلله الوضع مسيطر عليه وماستلزم الوضع انا نطلب من احد حاجه ولو استلزم الوضع واحتجنا تأكدوا مابينا فرق وراح يتم الطلب من الجميع : )

واذا على الحائط هم زودوها وكلنا نعرف الشي هذا لكن راح نسد حلوجهم بالتعويض هذا بما انا غلطنا بحق الحلف ماكيردي لو كان فيه غلط من الحائط علينا راح نصفي حسابنا معهم بدون مانسبب اي مشاكل مع احد..

وماتوقع وصلنا لدرجة انا نضرب دول من احلاف مابيننا وبينهم اي خلاف ولا اي مشكله ويوم يطلبون التعويض نجحدهم ونقول ياتسكتون ولا نحاربكم .!؟

مب هذا الي حنا نبنيه طول هالايام ولا بهذي السمعة الي حنا سويناها طول وقتنا مع الحائط حنا من انضمينا معهم ورايتنا بيضا وباذن الله الى اخر يوم بنطلع ورايتنا بيضا ماراح ندنس انفسنا بحقارتهم وبلاويهم smail2

[الليل أبو لمبه]

إيه شفنا وقفاتهم معانا في كثير ظروف وأحوال..


التعويضات الي اندفعت عنا ومن ضمنها آخر تعويض لليويو وصلت لـ 4 تريليون

وما جوا يطالبون فيها

وغير هذا كله انا ما اتكلم عن مشاكلهم معنا ( رغم وجودها )

انا اتكلم عن وقت الفزعه يوم احتجنا لكم ........ ومنكم الي وصله الخبر ولا سوا شي !!! هنا السؤال

[TH3LB]

الله يعطيك العافية اخوي الليل على جهودك الجبارة التي لاتخفى على احد وكلمة شكرا قليلة في حقك

وشكرا للاخوة اللي ساعدوا في دفع التعويضات

واذا باقي شي من التعويضات ياليت تعلموني عشان اشارك معكم

ومثل ماذكروا الشباب والله ماعندي علم عن هالموضوع وياليت في النقاشات القادمة يكون في موضوع عنها في المنتدى لنتشارك جميعا.

تحياتي

[kan]

التعويضات الي اندفعت عنا ومن ضمنها آخر تعويض لليويو وصلت لـ 4 تريليون

وما جوا يطالبون فيها

وغير هذا كله انا ما اتكلم عن مشاكلهم معنا ( رغم وجودها )

انا اتكلم عن وقت الفزعه يوم احتجنا لكم ........ ومنكم الي وصله الخبر ولا سوا شي !!! هنا السؤال
معليش اخوي الليل هنا يبيله الحكي وقفة
اي تعويضات لليويو ؟؟
وممكن نعرف وش التعويضات اللي دفعوا الحائط عنا؟؟
ولا بس دفعوا عن أخطاء ماسويناها ولانعرفها وبنقول ايه صح؟؟
إذا تقصد الدولة اللي انا دمرتها من اليويو فموقفي فيها سليم 100% وانت عارف هالشي..
جيتني وقلت إنتهم طالبين دولة فيها 40 ألف ارض ووضحتلك إن عندي برنت سكرين وكل شي .. ووضعي سليم..
وقلتلي انت خلاص انت بتعوضهم منك وقلتلك لا ليش نعوضهم وحنا ماعلينا غلط ؟؟..
أجل وش اللي 4 ترليون اللي إندفعت عنا ؟؟؟؟؟؟
وينها ولمين..
ياليت التوضيح ..
وبرضو موضوع الريشون وش بيكون موقف الحائط بعد ماتفلتوا علينا وضربولنا عدة دول؟؟
مو يقولون الباكت كله بيوقف معاكم وبيحارب معاكم لو احد تعدا عليكم ؟؟
اصلا بالحرب هذي ماشفناهم وهي حربهم وتخصهم قاعدين نحارب عنهم بالوكالة ..
انا اتكلم عن وقت الفزعه يوم احتجنا لكم ........ ومنكم الي وصله الخبر ولا سوا شي !!! هنا السؤال
اي فزعة؟؟
حنا بكبرنا فازعين للحائط وهو مايستاهل ..
الفزعة بالحق اخوي الليل .. كل اللي حنا قلناه لنا عند الحائط تعويضات يجيبونها وندفع او يخصمون منها ترليونين ويجيبون الباقي ..

[الليل أبو لمبه]

يعافي قلبك يا ثعلب
وهذا العشم فيك وفي الاخوان وما هي غريبه عليكم

اكرر شكري للي فزعوا

بالنسبه لكان انا ما اقول شي .... اذا ما تصدقني الشي هذا راجع لك لان كثر الكلام ماله فايده
وتعال معي في منتدى الحائط وبامكانك تتفاهم معهم ......

[kan]

^
^
معليش ليش انا اروح أتفاهم معاهم .. أنا ماأعرفهم أنت اللي تعرفهم ..
وماقلت مني مصدقك ولاكذبتك لكن سالفة اليويو كانت بيني وبينك وانت عارف خفاياها واول مرة اسمع إنهم تعوضوا .. وعلى شي حنا مالنا خطأ فيه !!
ولما تقول أمس إن تعويضاتنا إنتهت بحكم التقادم رغم إنهم طالبين تعويض عن دولة مضروبة من اكثر من شهر وهلحين تجي تقول إنهم دافعين عنا 4 ترليون فمن حقنا نعرف وين راحت ولمين ؟؟
ومااشوف هالحرص على حقوقنا ومصالحنا مثل الحرص على حقوقهم !!..
إذا فيه تساهل معاهم فهو منك مع إحترامي ..
ولا السالفة مهي ترليون ولا انا ولا الشباب بنقصر اكيد حنا كل كم يوم نفرط دولة من ام ترليون علشان نرقى ونضرب أعداء الحائط..
والشباب لما عطوك التعويض إكراماً لك أنت يالليل مو للحائط ولا قناعتهم بالتعويض ,انت عارف هالشي : )..
ولسه أخوي الليل ماجاوبتني على سالفة الريشون !!..
وش موقفنا معاهم ووش موقف الحائط عموماً؟

[الدباب]

خلاص انتهت المشكلة ان شالله ياشباب

كل واحد فيكم كلامه يحمل الكثير من الصحة وإن كان بعض الحماس ممكن يخلي الواحد يتهور

أعتقد ان فرحان قال كلمة مهمة وهي ان اللعبة هذي قائمة على الاحلاف ، والأحلاف هذي قائمة على أنظمة وأعراف ، ودام ان الأعراف تقول لازم يكون عندك برنت سكرين .. معناته حنا غلطانين ، صح ان "لاولاشي" ماخذ البرنت سكرين وصح انه طرح سؤال مهم وهو " ليه تأخروا 26 يوم لين فرمت جازي وحذفت البرنت سكرين ؟ " بس عاد الشكوى اللله هذا النظام

مرة ثانية أي واحد يضرب دولة يحتفظ بالبرنت سكرين لمدة 30 يوم زي ماقال فرحان ، أو وهو الأفضل يكتب موضوع في المنتدى وينزل فيه البرنت سكرين عشان يصير الموضوع موثق

ونقط مهمة قالها كلاو بالنسبة لسالفة ان الحائط وقفوا معنا ولا ماوقفوا معنا ... تقريبا كلنا متفقين اننا حنا اللي واقفين مع الحائط مهوب هم :) وهم محتاجين لنا اكثر لأننا مهبل وقاعدين نضرب في اطلق شنب ولاهمنا احد ولا همتنا خساير


عشان كذا من المجدي اننا نفكر في الخروج من الحائط ، وكنا نفكر فيه قبل الحرب ... والآن زادت وتيرة التفكير ( تبطون ماجبتوا وتيرة ) وقريبا لازم نشوف لنا حل

لكن خروجنا من الحائط لايعني اننا ننسف الأعراف والأنظمة ، لازم مانخلط الأوراق ... عندنا سالفة حنا غلطانين فيها لأن مامعنا دليل يثبت ان الحق معنا ... خلاص .... ننهي السالفة هذي ، وموضوع الخروج من الحائط شي ثاني ننهيه بدون ماتتداخل المواضيع مع بعض

الف شكر للجميع ... وبالتأكيد ان كل هالشد والجذب اللي صاير في الردود من حرصنا على الحلف وعلى تكاتفنا (f)

[coup_de_grace]

اخوي الليل ماقصرت ....وهذا انت مثل ماحنا خابرينك

عساك على القوة

[Raul]

يعطيكم العافيه

بس انتبهوا اذا طلعتوا الدوله ممكن تنضرب ..

فـ لذلك اعرضوا عليهم تعطونهم الدوله وترسلون لها كاش ومساعدات توصلونها لـ 2 تريليون
عشان تكون بذمتهم

[الليل أبو لمبه]

يعطيكم العافيه الكل

خلاص تم تسليم الدوله وانتهينا من هالمشكله

[N!TRo]

ابطال و اخوان بكل معنى الكلمة

الله يخلينا لبعض وماقصرتوا ياشباب

[الدباب]

اي والله ابطال ورائعين

خلوني اقول لكم السينياريو اللي صار :

كلاو تبرع بدولة ، ولاولاشي تنازل له عن دولته "هولاكو" بالمقابل

قام كلاو يبي يعوض لاولاشي بداعم سنة زيادة عشان يكون راضي

ولاولاشي عرض كل دوله تعويض ، ورفض ياخذ داعم ويرد على كلاو يقول : حبك احلى داعم

وانا والليل قاعدين نصيح من التأثر ههههههههههههه

وعقبها قام الليل هو ولاولاشي طلايب في المسنجر لين اقتنع انه ياخذ دولة 600 مليار

عاد الليل يقول للاولاشي : ولو انت راعي الأولة ، داخل على الله ثم عليك ، مدري نخيتك انك تاخذ الدولة ... المهم قال له كلمة زي المسلسلات البدوية ولاولاشي طارت بوهته ورد عليه : شرواك الطيب خخخخخخخخخخخخخخخ

يعني العيال لأنهم عارفين ان لاولاشي ماضرب الكلب الا لأنه بدون حلف وبدون وصف ، بس ان التأخير شهر ضيع البرنت سكرين ، فكان لازم نعوض مكاردي ، وفي نفس الوقت مانلقي باللوم على حبيبنا لاولاشي ولانحسسه بتأنيب الضمير ... في النهاية الجميع طلع راضي

ياحبي لكم جعلي ما اعدمكم ضربتوا اروع الأمثلة في تطبيق مبدأ :

واحد من أجل الجميع ، الجميع من أجل واحد(f)

[الليل أبو لمبه]

هههههههههههههههههههههههههههههههههههههههههههههههههه هههههههههههههه

عمااااااااااااار يا تحالفاتنا

[بيتارا]

حصل خير الحمد لله ولو اني ودي لو انهم مقربين لدولنا ولامسينها كان لعنا خيرهم وضميناهم لسلسلة الجحش الي مع الهابي (( أرينا ، cna ، يوري ، waw ، بقية جنديس عدا aot وتيم دايموند :) ))

[عاشق السكون]

كــان حبيبي ’ حنـا مو من عوايدنــا نطلع وننكب ربعنــا , تبي اليهود يتشمــتون فينا ويقــولون خايفين !؟؟

ترضاهـا انت ؟

صحيح الحائط مقصــرين معنــا بقـوة , لكن ما نطلع الا وراسنــا مرفـوع

بعد الحــرب أنــا أأيد بـقوة الخروج من الـ 0aaa0 , بنطلع والكل يحسب لنـا الف حسـاب , الكل يرحب فينا , مو يقولون وش تبــون بـ ذيلي , يكبرون تحتكم , ولا احتجتوا لهم هجوا , { مصلحجية }

×××

مــا ادري الليل وش وضع اليويو اللي يتكــلم عنه كــان , لكن لازم القائد تكون له هيبة , وانا متأكد انك بـ غنى عن نصيحة , واحد مثلي :)

وصـراحة انا اعتب عليك :) ياخي المفروض نشــارك بـ الدفع , خصوصـاَ ان ولا شــي ما اخطــئ

<+ فاضي تحمــس :)

[kan]

^
^
حبيبي عاشق ومن جاب طاري الطلعة من الحائط؟؟
هم الحائط اللي قالوا بيطردونا لو مادفعنا ..
وانا اللي شبيت على اخونا الليل علشان يلعن سلسفيل إيلان .. وهو أخ عزيز جداً وله أفضال كثيرة وإختلافنا بوجهات النظر باللي نشوفه في صالح الحائط .. وقاعد يقرا حكيي ..
جاني وقالي إن وضعنا صعب وإن إيلان يقول بيطردونا لو مادفعنا الترليونين وقلت ليش تسكتله ؟
وفعلا أخونا الليل ماقصر وراح وهزأه ومسح فيه الأرض..
أنا أتكلم عن حقوقنا المهدورة بس :)
أما سالفة اليويو هذي فعلمي علمك عنها وياليت يفردلها اخونا الليل موضوع علشان اجيب ردي هناك وحكيي معاه االي يوضح سلامة موقفنا : )
إلا إن كانا ندفع كذا شرهات هذا وضع ثاني ..
عموماً على هالخساير ماجت على هالترليونين .. معوضين خير وكفو وبيض الله وجه كل اللي ساهموا ..

[الماهر]

الحمد لله أن المشكلة أنحلت .. وحتى لو صار وطلعتوا

حنا أول المرحبين فيكم .. والعين أوسع لكم من الحلف(ورود)

[MOSHOSH]

الحمد لله انتهت المشكله بس مداخله بسيطه
اول شي عتبت يا الليل على بعض الاعضاء انه جائهم خبر ولا تحركو بسرعه معك حق تتشره
ومعاهم حق لو رفضو انا وانا مو من الحائط انغبنت اجل لو اني العب وش بيكون شعوري
الي تستغربه ان كل حلف يفتخر باعضائه وبنجازاتهم الا الجدار !!!
اجل بعد كل الي صار والي سويتوه يقولون اطلعو ؟ ممكن انت كقائد تاخذ الامور بتروي بس انا اخسر واتعب وهذي النتيجه انا متاكد انه ما يرضيك ودفع التعويض معاك فيه بس لازم تشوف لك حل معهم
اعتقد ما فيه موده بينكم لو اطلع ببراعم واعدم الدول ولا اجلس معهم وان شالله نتعاون سوى بنتطور بسرعه

الاقلاع بالحائط شاهده حق صلح انجازات مقارنه بباقي الاحلاف بنفس الباكت بدال ما يشكر ويساعدونه
يعاملونه بالطريقه ذي لا تتشره على اعضائك معهم حق ينغبنون

احساسي اننا ببنضم من جديد بحلف واحد وان شالله ذا اليوم قريب وقتها بنكون قوه على قوه

[كاس منكسر]

^
^
والله معاك حق

غريبه بدال مايساعدون بالدعم يتلفظ هالالفاظ ماعليك منهم يالليل ترى التبزبيد حلو

على العموم اتنمى يكون لنا هيبه وانتم ابخص بالقرار والي بتسوونه